音樂樂評 » 樂評

📝 [Written by @caang.1 ] 🎵 睇演唱會都睇到開盲盒抽蛋咁，對上一次應該都係容祖兒嘅Pretty Crazy演唱會。記得當時嘅嘉賓，都係一啲神枱級嘅歌手。劉德華、張學友、黎明…每一個都代表住樂壇最輝煌嘅一頁。但今次，嘉賓嘅陣容更加係令所有入場睇嘅聽眾，經歷咗一次時光旅行，展現出香港樂壇呢三十年嚟嘅變遷。故事要由十幾年前講起，當年一位嚟自廣州嘅小伙子，經歷多次唱片公司人事變遷，輾轉落戶到香港，已經開展咗幾年喺香港嘅音樂生涯，事業講唔上好有起色，甚至可能不乏失意落泊嘅時間。直至《#笑忘書》開始，大家逐漸對軒仔認識更多，果陣佢未知道，翌年會因為一首叫「#酷愛」嘅歌而爆紅。做下做下，默默耕耘嘅情況下，開始受到業界人士，尤其一啲同樣喺環球唱片共事嘅前輩賞識，更開始有一啲樂壇前輩搵佢做演唱會嘉賓。喺2006年嘅《琴晚夜紅館騷》，倫永亮邀請咗張敬軒擔任佢嘅演唱會嘉賓，「嘉賓王」開始喺不同歌手演唱會中擔任嘉賓，無論係樂壇前輩、同公司、同期新人嘅音樂會都會見到佢嘅蹤影。每次演出，都令更多人認識張敬軒，亦為佢建立好多好多友誼，好多好多合作嘅機會。而佢冇將一切一切成為佢發展嘅優勢，更多係真心接納所有佢得到嘅嘢，取於斯、用於斯。佢開始利用自己得到嘅嘢幫助同業，只要同業有需要，就會傾囊相助。所以Dear Jane同Rubberband不約而同地用過佢喺廣州嘅錄音室製作唱片，Dear Jane更加受到佢包食包住嘅接待。當洪嘉豪喺佢麾下幫手時，產生咗製作音樂嘅想法時，佢即刻同佢一齊搜羅種種適合洪嘉豪嘅器材，幫助佢建立音樂製作嘅基礎。一切唔係必然，但喺軒公身上，好心地好似係一樣理所當然嘅事。佢嘅好心地，亦不受限於同業，只要佢知道有人需要幫助，佢就會幫。所以梁詠琪做嘉賓時提及嘅故事，足證佢今時今日嘅成就唔係靠幸運就達到。呢廿幾晚雖然相隔幾個月，但仍然記得每一晚邊個做嘉賓成為大家茶餘飯後嘅話題。張敬軒用咗自己嘅努力，將所有大定需要認識嘅聲音介紹俾大家，除咗俾唔同新人踏上台板嘅機會，就好似以前自己所得到嘅機會咁，更多係令大家知道，香港樂壇仲係好有心有力，既有如黎明、陳慧琳等樂壇傳奇，更有許廷鏗、陳柏宇呢班足以撐起樂壇嘅歌手，莫說張天賦、湯令山、柳應廷等新秀洶湧而上，而且藍奕邦、周國賢、王菀之等人仍然好有熱誠，香港每一代都有好出色嘅香港歌手。大家都因為呢個演唱會，表現出香港呢個音樂殿堂潛藏嘅可能性。好感謝張敬軒，唔單止想做好自己嘅演唱會，更加想做好呢個樂壇，令一班樂迷透過每晚唔同嘅嘉賓，唔同嘅故事，完成一次瀏覽香港樂壇簡史嘅旅程，更由唔同人口中講出軒公嘅好人好事，好似一塊塊拼圖咁拼砌佢二十年嚟嘅音樂故事。#張敬軒 @hinscheung 感謝您的一場 有今生 亦肯定有來世的演唱會，一定要唱到50、60、70歲。 購買The Brightest Darkness (CD)- 張敬軒:  

📝 [Written by @caang.1 ] 🎵 第一次嘅歌手，就係曾經嘅「隱世歌神」陳柏宇，之所以係曾經，係因為而家大家都知道佢嘅歌唱實力啦！但佢喺娛樂圈，真係好特別，就如黃子華所講「不主動、不拒絕」，對獎項同名聲都唔太在意。但責任就會負啦，而家個個都知佢係一個好有責任感嘅父親。到底大家最鐘意陳柏宇嘅幾首歌係邊幾首呢？我哋而家即刻開估！ Top 5 #斷絕來往柏宇嘅第二首派台歌，係出自佢嘅第一隻大碟《First Experience》。當年呢首歌都幾紅㗎，亦令好多人認識Jason，而呢首歌亦有個合唱版本，係由Jason同作詞人黃凱琪合唱，唔知有幾多人聽過呢？ Top 4 #對得起自己呢首喺舊年推出嘅歌，係柏宇去年演唱會嘅主題曲。歌曲除咗旋律動聽，最緊要係啲詞寫得好正面，為情緒低沉嘅香港人打打氣，鼓勵大家做咩都唔可以咁易放棄，所以先令咁多人鐘意呢首歌。 Top 3 #你瞞我瞞可能大家都覺得呢首歌太代表作，所以反而冇想像中咁多人提及。但無可否認，直至今日大家都仲好鐘意呢首歌，喺YouTube嘅點擊率已經超越一千五百萬。另外，大家有冇喺K房點過呢首歌？有冇都俾個Sharp-Cut伏到呢？ Top 2 I will be loving you (版權問題要用第二個MV)呢首歌都係柏宇另外一首代表作，但相信大家更有印象嘅係佢喺MV入面對住個電話唱歌嘅片段，可惜因為版權問題冇得喺呢到俾大家睇。MV入面嘅Sony Ericsson，真係一代回憶～ Top 1 #逸後呢首歌喺Jason嘅演唱會都有再唱，相信最多人揀呢首歌都係咁嘅原因。官方上載嘅YouTube片都有好多人睇過而且大嗌感動。除咗因為Jason真摯嘅演繹，相信片中嘅動畫，對香港人嚟講感觸好深。另外，呢首歌原版真係好高音，唔識唱歌嘅真係會唱到斷氣，再次印證陳柏宇真係好強。 最意想不到之選 #所多瑪城Jason嘅Sidetrack作品，應該同大熱嘅一樣咁多。但估唔到都有幾位朋友都有提及呢首「所多瑪城」，呢首歌同另外一首「巴別塔」相對應，都係用聖經出現嘅名而命名，而所探討嘅訊息都好深，相信需要一啲時間去摻透。除咗大家揀嘅歌，我都節錄咗一啲觀眾嘅留言，都表達咗一啲對柏宇嘅印象，大家估下觀眾講咗啲咩？ 觀眾留言vol. 1有啲古怪 但係我對佢嘅印象係好鍾意望住地下唱歌 #親愛的仇人 觀眾留言vol. 2佢攞最男真係好感動！！ #認真如初 觀眾留言vol. 3第一次認識佢，就係佢嘅百果園廣告🤤 #永久保存陳柏宇，加油啊！   購買Fight For_Live in Hong Kong Coliseum (2Blu-ray + 2CD)-陳柏宇:

📝 [Written by @caang.1 ] 🎵 喺特倫斯嘅夢幻世界，原來有好多神乎其技嘅超能力者。分分鐘儲下儲下，真係可以組織一隊「特倫斯超能力聯盟」。不過咁，其實又唔係真係全部都有超能力，部分都只係「如果」。不過呢個世界，有啲嘢就係「諗下都好」啊嘛，你話係唔係先！等我哋嚟睇下究竟有邊啲「超能力者」啦！ #時光倒流一句話超能力：逆轉時間、預知未來、讀心如果我有逆轉的超能力除非我有預知的超能力情願你有讀心的超能力好貪心啊！想要咁多！呢首歌講到如果我有呢啲超能力就好，但去到後邊，卻話其實我唔洗有呢啲超能力，只係如果可以忘記到一啲嘢就夠。 #一人之境超能力：讀心術聽到內心 學會修補再嵌 別把聲音軟禁人人都希望有讀心術，可以睇得穿每個人諗緊咩。但其實知道太多，帶來嘅傷害可能仲大。所以人地嘅心未必需要聽到，但自己嘅內心，就一定要聽得清楚明白。千祈唔好欺騙自己內心，因為根本呃唔到。 #JustCarryOn超能力：千里順風耳光線給指引路向 聽得到千里飛鳥最～響有冇發覺，家謙好多歌都有「聽」嘅元素喺到？耳朵，真係好多歌者同創作者嘅眼睛，佢地聽到嘅嘢分分鐘比睇到嘅更加敏銳。所以先會「聽風」、「聽內心」、「聽飛鳥」。 #難道喜歡處女座超能力：透視眼我很關注 瑣碎事情以 X 光眼睛 把你靈魂望到 很透明聽到呢兩句，唔知點解會諗起賭聖，周星馳俾人捉去當X光機果到。😂其實原本歌詞當然係想寫處女座洞察人心嘅一面，但就用咗個好有趣嘅寫法，貫徹家謙嘅歌好天馬行空嘅一面。 #神奇的糊塗魔藥超能力：飛天遁地無視道與理 是與非非 繼續往天飛 再去遁地呢首歌真係超鐘意！每次聽完都好開心快活！成日覺得退休嘅人士真係好幸福，可以再唔理任何嘢，想去邊就去，想食咩就食。但初出職場嘅我，只可以慢慢羨慕啦🥲🥲 💿🛍️SEVEN(CD)-林家謙:   

📝 [Written by @caang.1 ] 🎵 去年有一隻我超鐘意嘅概念唱片 Life/Line，其中有三首歌曲可以串成一個吸血鬼故事。而呢隻碟嘅主唱，就係香港好出色嘅唱作歌手馮允謙。馮允謙 @jayfungmusic 從巨聲3之後出道，今年已經邁向第十個年頭。到底呢十年，馮允謙點樣一步步，成為一個極有個性嘅歌手呢？   陽光男孩 初入樂壇#今天開始自超級巨聲3奪亞後，加盟英皇旗下音樂品牌 Music Plus Label，首張大碟《今天開始》得到恭碩良為其擔任全碟監製，更與方大同、林若寧、陳詠謙等出色音樂人合作。出道初期Jay被根據其背景打造成具有外國陽光男孩氣質的歌手，其首支派台歌《今天開始》充滿活力及青春感覺。 迅速奪得首支四台冠軍歌 #世界劇團第二張大碟「值得愛」收錄十首新歌，《世界劇團》為碟內第二主打，成為其首支四台冠軍歌，Jay由其第一隻大碟已參與作曲工作，其後的大碟《The In-Between》更由馮允謙包辦碟內所有歌曲的作曲。這大碟亦成為其於英皇最後一張個人大碟，其後只推出兩張EP。 曝光率驟降 但人生經驗增加#一步一悔過自2016年推出在舊公司最後一張EP後，Jay便沒有再推出新歌，在這段時間他創作了很多歌曲，去年十分受歡迎的《一步一悔過》是其中一首當時所創作的Demo之一。他亦趁那段時期學會更多編曲及歌曲製作的過程，讓他在之後的音樂歷程有更高、更深入的參與度。 加盟寰亞 全面爆發#愛斯基摩人之吻2018年，馮允謙加盟寰亞唱片，擺脫過往男孩形象，形象變得成熟，所推出的歌曲也更具特色及風格，令Jay成為樂壇其中一個極具辨識度的創作歌手。其歌曲有很多包含R&B元素，在寰亞時期擁有更多很好聽的R&B作品，令R&B風格在香港再度興起，吸引不少樂迷注意。 只要唔放棄 就搵到出路#遠在眼前疫情肆虐，很多行業正值癱瘓，當時出街都有危險，Jay不可到錄音室製作新唱片，於是EP《Awaken》的部分製作階段都是在家中完成，反映了香港音樂人的不死信念。而歌曲《遠在眼前》雖然是老掉牙的異地戀故事，但因為在疫情期間推出，反倒增添幾分淒美。 重回觀眾視線 成為中流砥柱#地球來的人《開始倒數》和《地球來的人》成為繼初出道的《世界劇團》後，相隔7年的第二、三首四台冠軍歌。自《Awaken》後，馮允謙正式成為香港的其中一位重要的男歌手。他亦憑《地球來的人》奪得其第一首叱吒十大歌曲，並於同年獲得男歌手及唱作人銀獎。九年，很多人已經放棄，但Jay卻努力堅持。 把力量分給同儕 共享音樂#反對無效Jay是現今樂壇其中一位重要的唱作人，他除了為自己創作歌曲，更有其他歌手創作不少動聽的歌曲。他所創作的歌曲大多都很有他的風格，縱使由他人演唱，你亦會感覺：「啊，這一定是馮允謙寫的！」。當中代表作不得不提去年張天賦的反對無效，俾譽為兩代R&B歌手的跨世代合作。 雙語廣播 把香港音樂國際化#冬日寂寞考 Lonely WinterJay唱腔及歌曲風格深受西方音樂影響，而且其英文了得，所以會為自己歌曲推出雙語版，除了推出廣東歌版更會推出英文版本，此舉能令更多喜歡廣東音樂以外的人留意香港的音樂，令聆聽香港音樂的受眾更多。雙語版本亦帶出不同感覺，令歌曲帶出的感覺更豐富。       💿🛍️ LIFE / LINE (CD)-馮允謙: