音樂樂評 » 陳柏宇

📝 [Written by 私家音樂 c_plus_music] 🎵   去年12，Jason係紅館舉行一連兩場「Fight For Live」。演唱會之後，Jason先Upload咗演唱會嘅「THE FIGHT 紀錄片」去講解佢係演唱會上製作嘅想法。「我演唱會嘅安排，唔係要幫觀眾療傷， 我嘅出發點無咁偉大， 但我當然想同觀眾連結。 但係大部分係為咗做一件轟轟烈烈， 係屬於自己百份百投入同努力， 而產生嘅一件事。」 「路係好難行，但都要一齊行落去，希望大家睇完可以搵到方向繼續走落去。」演唱會Boxset入面嘅份量好重，由封面到入面書仔，都好有份量。所以，搵嚟演唱會嘅Art Direction Kenji Wong去講解一下呢個Boxset入面嘅心思。 關於Fight For入面嘅卡仔係個package內有盒卡，主要想人睇完個演唱會再消化完Jason Fight for 既故事後，諗諗自己為左咩去Fight for。 「Fight for」Booklet 入面劇照係點樣嘅一回事？Fight for演唱會係包括Video Wall嘅故事，因為知道好多觀眾未必會係blu-ray 睇得哂個整個故事，所以係Booklet入面，都Print out左故事劇照。本來想做繪本，但時間關係做唔切。 「其實主要係想將演唱會VT講，佢成長故事帶番去隻碟度」 關於「Fight For」帶出嘅幾個MV (《對得起自己》《有我》)「Fight for」呢個project，一直想搵唔同界別或者被遺忘左既人，一齊Fight for。所以MV都會搵唔同電影既演員，或者無咩人留意既藝人去演出。好似《對得起自己》入面搵嚟姜皓文；《有我》入面都有梁仲恆。「Fight For」呢個Project唔單單係演唱會，仲會連接住Jason嚟緊嘅作品。好似剛剛推出《墜落》都有少少關連。睇完Fight For再去聽Jason嘅新歌，你可能會有更大感受。   購買Fight For_Live in Hong Kong Coliseum (2Blu-ray + 2CD)-陳柏宇:

📝 [Written by @caang.1 ] 🎵 第一次嘅歌手，就係曾經嘅「隱世歌神」陳柏宇，之所以係曾經，係因為而家大家都知道佢嘅歌唱實力啦！但佢喺娛樂圈，真係好特別，就如黃子華所講「不主動、不拒絕」，對獎項同名聲都唔太在意。但責任就會負啦，而家個個都知佢係一個好有責任感嘅父親。到底大家最鐘意陳柏宇嘅幾首歌係邊幾首呢？我哋而家即刻開估！ Top 5 #斷絕來往柏宇嘅第二首派台歌，係出自佢嘅第一隻大碟《First Experience》。當年呢首歌都幾紅㗎，亦令好多人認識Jason，而呢首歌亦有個合唱版本，係由Jason同作詞人黃凱琪合唱，唔知有幾多人聽過呢？ Top 4 #對得起自己呢首喺舊年推出嘅歌，係柏宇去年演唱會嘅主題曲。歌曲除咗旋律動聽，最緊要係啲詞寫得好正面，為情緒低沉嘅香港人打打氣，鼓勵大家做咩都唔可以咁易放棄，所以先令咁多人鐘意呢首歌。 Top 3 #你瞞我瞞可能大家都覺得呢首歌太代表作，所以反而冇想像中咁多人提及。但無可否認，直至今日大家都仲好鐘意呢首歌，喺YouTube嘅點擊率已經超越一千五百萬。另外，大家有冇喺K房點過呢首歌？有冇都俾個Sharp-Cut伏到呢？ Top 2 I will be loving you (版權問題要用第二個MV)呢首歌都係柏宇另外一首代表作，但相信大家更有印象嘅係佢喺MV入面對住個電話唱歌嘅片段，可惜因為版權問題冇得喺呢到俾大家睇。MV入面嘅Sony Ericsson，真係一代回憶～ Top 1 #逸後呢首歌喺Jason嘅演唱會都有再唱，相信最多人揀呢首歌都係咁嘅原因。官方上載嘅YouTube片都有好多人睇過而且大嗌感動。除咗因為Jason真摯嘅演繹，相信片中嘅動畫，對香港人嚟講感觸好深。另外，呢首歌原版真係好高音，唔識唱歌嘅真係會唱到斷氣，再次印證陳柏宇真係好強。 最意想不到之選 #所多瑪城Jason嘅Sidetrack作品，應該同大熱嘅一樣咁多。但估唔到都有幾位朋友都有提及呢首「所多瑪城」，呢首歌同另外一首「巴別塔」相對應，都係用聖經出現嘅名而命名，而所探討嘅訊息都好深，相信需要一啲時間去摻透。除咗大家揀嘅歌，我都節錄咗一啲觀眾嘅留言，都表達咗一啲對柏宇嘅印象，大家估下觀眾講咗啲咩？ 觀眾留言vol. 1有啲古怪 但係我對佢嘅印象係好鍾意望住地下唱歌 #親愛的仇人 觀眾留言vol. 2佢攞最男真係好感動！！ #認真如初 觀眾留言vol. 3第一次認識佢，就係佢嘅百果園廣告🤤 #永久保存陳柏宇，加油啊！   購買Fight For_Live in Hong Kong Coliseum (2Blu-ray + 2CD)-陳柏宇:

📝 [Written by 私家音樂 c_plus_music] 🎵 「記住並非一個人」陳柏宇 – 有我曲：溫翰文 / Cousin Fung詞：藍奕邦編：溫翰文 / Cousin Fung@emp監：Cousin Fung@emp.「大師兄歸位！」這一句是送給陳柏宇。過去4-5年，得覺得陳柏宇跌入了一個很奇怪的位置，那時他「賣暖男」「賣家庭話題」「賣隱世」，是唱出了很多大熱作品。但從音樂角度來看，似乎走入了樽頸位，有一個「唔知唱乜好」的感覺。然後出現了「53FPS」，「53FPS」是一個實驗，在考驗JASON唱法用聲情感，同樣考驗聽眾的受聽能力。果然，這一套不適合用於陳柏宇聽眾身上。但是在唱法用聲上，都為陳柏宇來了一個巨變。這個變化，影響了他日後錄製歌曲的唱法，包括早前《對得起自己》及這首新作《有我》。.新作《有我》早在演唱會上聽到，當時聽已經眼濕濕。來到錄音版本，聽到編曲上的細緻是更動人。歌曲開場有Cousin編的弦樂，有一種溫馨感覺，是看到光的。《有我》旋律動人，旋律和編曲未必很易聽得出「很溫翰文」，但你會強烈感受到歌曲氛圍，十分配律歌曲情緒。喜歡電結他在副歌的切入，醒神又有力，加上鼓和敲側擊聲音，都令《我在》音樂底更實淨。歌曲是少少Band Sound，但在混音上沒有放大Band. Sound聲音，反而弦樂多一點，是因為不想太過硬淨，這樣處理有一種溫柔溫暖在內，就如歌者在陪伴聽眾一樣的感動。.藍奕邦歌詞十分感動，副歌已中了大家情緒。「天塌下來 縱使我沒法替你去擋災」「無論傷春悲秋我亦在 伴你共接受無奈」，這一份同在很真實，令人想到幾年前方皓玟寫到「你有多難過我都知」聽到人眼濕濕。特別去到最後過渡後落，「記住並非一個人」那道力很強大，同時配合了歌曲編曲，那一段很動人。「就算驚都不會離開 要共你一起惹塵埃」，都收到了你們得訊息，感謝。.最後要讚的是陳柏宇唱法，比著以前會死硬上高音。但經過了「53FPS」改唱法，唱中音實淨穩陣得多，主歌「不見未來」「替你去擋災」「這裡有後台」當中連音及用聲，都是之前好少聽到。還有後段上高音，不再用死力當上去 (請聽CD版《別怕失去》)，這一次有力有感情得多。.「大師兄歸位！」由選曲唱法都有一場很強大得氣場，他終於找到了路。所以歌手偶爾一兩年失手不要立刻離場，等一下，他會慢慢轉變的。.   💿🛍️ 購買Fight For_Live in Hong Kong Coliseum (2Blu-ray + 2CD)-陳柏宇: