• caang.1 歌曲推介-我心中尚未崩壞的部分

    0 個評論
    caang.1 歌曲推介-我心中尚未崩壞的部分
    📝 [Written by @caang.1 ] 🎵   《不負責任排行榜 第三回 - 黃妍》#黃妍,Sony Music旗下女歌手,以清新、幽怨、少許搖滾曲風走進大眾視線。她的歌曲大部分都與其自身經歷、不同的情感抒發有關。因而在題材上十分特別,是樂壇上很有個人風格的唱作歌手。而且,很多派台歌的文案都是由黃妍撰寫,闡述了很多關於那首歌的創作歷程及歌曲訊息,但或許很多人在聆聽歌曲時,都會忽略當中文案,其實很多文案都是歌曲很重要的一部分。到底哪些歌是大家最喜愛?大家對黃妍又有甚麼印象呢?第三位:#我心中尚未崩壞的部分文案節錄:世界正崩壞。但因為有人,以至之間各種關係,世界尚存一點光。我們尋找尚未崩壞的部分的同時,其實也揭示了,周遭一切,必然朽壞。儘管如此,我們依然有彼此,依然有我們。第二位: #刮骨文案節錄:在成長的過程中,世界把你身上的特質一點一點刮走,使你盲目,讓你迷失,致你忘卻曾經想像的模樣;可是不管現實如何狠心,我們最核心的特質是無法被刮走的。甚至有時候被傷得遍體鱗傷後,我們才會看到最原始、真實的自己,聽到自己內心最深處的渴求。成長很痛,受傷很苦,但因為受過傷,我們才會蛻變成更強更美的自己。第一位:#天光前文案節錄:世界再崩壞,我們依然希望迎來天光,《天光前》正是心中尚未崩壞的其中一部分。我們曾經為了所愛的人,甚至事物,無私地奉獻一切。當中有熱情與浪漫,也可能只有挫敗與失望。愛一個人,愛甚麼都好,可能是值得,也可能是徒勞無功。不過,就讓我們帶著這份愚勇,用力去愛自己所愛的。觀眾留言:#如何從夏天活過來Cath於出道時,曾於多區Busking以作宣傳。她入行前曾有一段時間因工作而放棄音樂,但一次閒逛時,在尖東海旁聽到有人在Busking,她心血來潮便借了Busker的結他唱了半首《稻香》,是她偶像周杰倫的作品,及後才發現自己不能離開音樂,因而踏上Busker之路。觀眾留言:#笑容迷路了《笑容迷路了》是Cath在打工時,因為疲倦、壓力而產生的不快和恐懼而有所啟發的作品。她感覺自己當時連如何笑也不會,因而寫了這首歌抒發恐懼。這首歌擁有雙語版本,而且MV在台灣拍攝,因而當時曾有觀眾以為黃妍是台灣歌手,但這種充滿台灣文青風格也是黃妍很大的特色。觀眾留言: #輕盈樂壇的情歌很泛濫,Cath的歌卻很少愛情元素,反倒有不同的「情」。她的歌很重視情緒表達,不論是開心的情緒還是不快的情緒。我很同意她的歌有些很有正能量,就像這首《輕盈》,聽得我們將煩惱一掃而空。但若說有些歌很負能量,我卻覺得是在另一個角度為大家治療及打氣,未必可以聽完便抒發,但卻可以陪伴我們渡過難過的時刻。版主私心之選 #遲起的鳥兒有蟲吃文案節錄:所有事都要求自己循規蹈矩,盡量超額完成,其實挺累的,所以有機會就會把我的反叛、調皮用力的表現一下。偶爾打破常規定律,反而能平衡乏味無趣的刻板生活,甚至能創出意料之外的新事物,《遲起的鳥兒有蟲吃》便是不按常規的產物。YouTube Channel : 黃妍 Cath Wong她不是YouTuber,沒有拍攝一些Vlog或遊戲節目。但以歌手來說,她的YouTube Channel有很多元素。除了會Post她的歌曲MV,更有一些節目上的歌曲表演或一些Live Show,當然少不了由她所唱的Cover。此外,她更會邀請不同界別的人做一些訪問,有些以拍攝形式,有些以Podcast形式,很多內容都很特別!@cathinwong #hkig #hklyrics #廣東歌 #caang1caang #cantopop #不負責任排行榜影片來源:YouTube 購買九道痕跡(CD)-黃妍 Cath Wong  
  • on9upmusic歌曲推介 - 側田《第一秒》

    0 個評論
    on9upmusic歌曲推介 - 側田《第一秒》
    📝 [Written by @on9upmusic ] 🎵 返咗大陸發展一段時間嘅側田,早排宣佈回港再戰樂壇,正式簽約環球,推出新歌《第一秒》。當年側田一出道就成為炙手可熱嘅新人,主要有兩大原因:一,長期戴帽。二,紮實且辨識度高嘅唱功,輕鬆唱紅每首大眾情歌。《第一秒》MV入面嘅側田仍然戴住充滿年代感嘅MK「NY cap帽」,唱腔仍然「17年不變」,驟耳聽《第一秒》其實同當年嘅《好人》、《Erica》、《命硬》係冇大分別,爭啲以為搭咗時光機穿越返咗去2010年。側田出道至今己17年光景,繼續沿用當年嘅「成功之道」係咪明智之舉?咁樣到底係「毫無進步,故步自封」定係「keep到水準,初心不變」呢?17年後嘅今日,樂壇人才輩出,人人風格、歌路鮮明,側田作為實力派前輩,以穩陣牌作為回歸之作,未免太過保守而且無誠意了。始終返咗大陸打拼兩年,吸收嘅音樂養份理應係滿載而歸,《第一秒》的確令人(我)失望,無論站喺歌迷角度上,定係marketing層面上,都唔係一首特別吸引嘅作品,at least唔係一首值得plug,甚至打頭炮嘅歌。   購買love songs from dreams(CD)-側田 Justin Lo:
  • #悅與歌2022新歌推介- 林家謙《邊一個發明了ENCORE》

    0 個評論
    #悅與歌2022新歌推介- 林家謙《邊一個發明了ENCORE》
    📝 [Written by @delightcantopop ] 🎵 #悅與歌2022新歌推介初初見到歌名《邊一個發明了ENCORE》以為家謙繼續佢種玩味、幻想同輕鬆歌系列,但第一次聽同睇MV(呢首歌MV比電台同串流平台率先上架)之後,就對首歌有180度轉變,可以話係家謙出道以來最感動、賺人熱淚嘅歌。繼《時光倒流一句話》同《難道喜歡處女座》之後,林家謙再次邀得黃偉文為佢嘅作品填詞,而Wyman再次交出一份好觸動人心嘅歌詞出來。家謙過往嘅情歌作品都會比人一種較為抽離嘅感覺,較多係用一種旁觀者嘅角度敘述,投放感情都較為含蓄。但今次《邊一個發明了ENCORE》就聽到佢有種由第一身出發,用自身角度感受呢份歌詞嘅重量,所以演繹上來都比過往直率。就算係佢最標誌性嘅轉音位,都聽到佢把聲比以往多咗一份情緒,相信都同佢個人用一個更切身嘅角度去感受呢份歌詞有關。能夠令一直都比較「高冷」嘅家謙轉用一個更加直接嘅方法去演繹呢首歌,可能係因為呢份歌詞真係好貼近現實,所描寫嘅內容好容易引起大眾共鳴。好似Wyman之前寫比馮允謙嘅《給缺席的人唱首歌》咁,呢首歌都算係向「缺席」的人致意。近年嘅社會事件、疫情同移民潮都令好多人與人之間嘅距離越拉越遠,好多我哋曾經以為唔會發生嘅事情發生咗,好多我哋以為仲有好多機會見面嘅人突然離開咗,甚至連講句再見機會都無。當呢個情況成為常態,我哋能夠做嘅就只有珍惜每段相遇、每個親友,希望延長每次相聚嘅時間,就好似演唱會不停ENCORE咁。但再多次「安歌」,天下都無不散之筵席,我哋終有道別、分開嘅一日。唯有真正將相處嘅回憶、建立嘅情誼放入心中,先能夠真正將一段關係、一段感情永遠長存。就算此時離了座,定有一個未來能伴著過。   購買林家謙MEMENTO (CD):
  • #悅與歌2022專輯推介 - 洪嘉豪《Learning Curve》

    0 個評論
    #悅與歌2022專輯推介 - 洪嘉豪《Learning Curve》
    📝 [Written by @delightcantopop ] 🎵   #悅與歌2022專輯推介剛踏入出道第五年嘅洪嘉豪正式推出個人第一張「雙碟大碟」《Learning Curve》(2018年曾推出數碼EP《Curiosity》),收錄共十五首作品。呢隻大碟分為「Experience」同「Experiment」兩部份。先講CD1「Experience」,收錄自2019年《十號儲物櫃》起共九首派台歌,以及一首未曾曝光嘅作品《24/7戀人》。呢部份嘅歌雖然大部份都聽過,但經過曲目排序後重聽一次,又感覺甚為新鮮。即使Kaho歌呢兩年歌庫較多屬流行K歌,但當中嘅三首Synth Pop作品喺呢個序列中甚為突出,尤其《曲線型戀情》喺《窮小子》後就顯得特別有趣。而將成隻大碟最早曝光嘅《十號儲物櫃》放喺CD1尾聲,象徵將呢三年嘅種種經歷放入「回憶儲物櫃」,亦別具心思。CD2就係Kaho之前一直提及嘅「音樂實驗」,五首作品都係佢親自包辦哂曲、詞、編、監同唱嘅部份,包括早前派台嘅《活人鏢靶》同最近派台作品《救》。Kaho作曲一向都唔錯,既能夠作到好似《窮小子》呢種一聽即入腦嘅流行曲式,亦可以創作出《我說不可以》、《曲線型戀情》呢種廣東歌較為少見、玩味感同跳脫嘅歌曲,所以作曲方面我從來對Kaho都放心。但講到填詞同編曲,Kaho之前甚少涉獵,今次見到佢一口氣處理哂五首歌嘅曲詞編監,就會見到佢嘅樽頸。呢五首歌並唔係唔好聽,當中《活人鏢靶》同《防火門》我都幾鍾意,但全隻碟嘅氣氛非常相近,特別編曲上嘅變化真係較少,所以有種「一首歌分咗五節播」嘅感覺,旋律嘅吸引度亦比呢種單調嘅編曲掩蓋咗,甚為可惜。不過,既然只係Experiment,我覺得呢個做法亦未嘗不可,但之後再做新Project,填詞同編曲嘅工作考慮part住更專業嘅人做再吸取經驗,可能係更好嘅事。點都好,喺我心目中,洪嘉豪係值得支持,亦值得大家更多嘅關注,所以呢隻碟一出我就已經預購咗。九月份佢再同MC張天賦開show,轉去一個比上年麥花臣更大嘅場館,希望有更多人有呢個福份睇到啦!   購買洪嘉豪Learning Curve (2CD):  
該網站上的cookie設置被設置為“允許所有cookie”,以為您帶來最佳體驗。請單擊接受Cookies繼續使用該網站。
You have successfully subscribed!
This email has been registered